Flashback - فعالية أيام زمان
للأطفال تحت سن الـ 50


فعالية من العمر.. رح ترجعنا للزمن الجميل
فيها حارة زمان اللي بتجمع ماضينا.. طفولتنا.. وكل ذكرياتنا
من دكان زمان.. مكتبة زمان.. أستوديو زمان.. حبشتكنات زمان 
ألعاب زمان.. كرتون زمان.. أكل زمان.. وغيرهم كتير كمان

وفي فعاليات ومسابقات وفقرات مليانة قشعريرة وحنين
وكمان في سوق كبير بيضم منتجات وأشياء للبيع عن أيام زمان
وفي ركن ألعاب خاص لأطفال الجيل الجديد :) 



فقراتنا على المسرح
باليومين عنا: 
فقرة دبكة فولكلورية من تراث بلادنا
فقرة فنية غير تقليدية على العود مع الفنان المصري مصطفى زاهد
دي جي أسمر اللي رح يسمعنا بس أغاني التمانينات والتسعينات



بالإضافة لفقرات كرتون زمان
يوم الخميس 25 - 7: أغاني سبيس تون مع أبناء العربي طرقان
يوم الجمعة 26 - 7: أغاني الكرتون والطفولة مع فرقة كرتون نايت

ولإنه أيام زمان ما بتزبط بدون الموسيقار الأسطوري طارق الناصر.. 
يوم الجمعة 26 - 7: بنستناكم في فقرة خاصة واستثنائية على البيانو مع الفنان طارق الناصر .